ماذا بعد

صدقونى ي اخواتى انا من الناس اللى تبت كتير ولكن كنت برجع للخطية تانى
وانا دلوقت ف الخطية ومش عارفة ارجع لربنا بجد ومش عارفة اعمل ايه علشان اخليه يسامحنى ع كل اللى عملته معاه , نفسى ارجعله تانى واعيش معاه واتمتع بيه , وخايفة للفرصة بجد تفوت وماا الحقش اكرمه وارجعله واقوله ارحمنى يارب وسامحنى انا عبدتك الخاطية , قوقولى اعمل ايه واتصرف ازاى ,؟ كل ما ارجعله بسيبه تانى بس مش عارفة ايه السبب , رجاء يا اخواتى حد ينصحنى باى نصيحة اعملها علشان انا بجد تايهة وحائرة جدا [b]

ميرسى كتيرررر (samjs) على الكلام الجميل ده وحقيقى احنا لازم نفوق بقى من اللى احنا فيه
عزيزتى ( elmalika37)
صدقينى انا زيك ويمكن اكتر وكنت ارجع واتوب لربنا وبكل ندم ومفيش يومين وارجع للخطيه تانى
وكنت بتكسف اوى انى اصلى ازاى اصلى واطلب منه انو يسامحنى تانى وانا كل شويه بطلب منه وارجع للخطيه

بس صدقينى الشيطان هو اللى كان مخلينى كده هو اللى كان بيخلينى اتكسف من ربنا
بصى حبيبتى تعالى انا وانتى نعمل حاجه وناخدها قاعده فى حياتنا زى حاجه يوميه بتعتادى تعمليها
1- معنى الخطيه هى الانفصال عن الله
يعنى هكدب او احلف او اشتم او ادين او او او الى اخره انا كده بابنى حيطه مابينى ومابين ربنا وكده مش هقدر اسمعه ولا هو هيقدر يسمعمنى
2-افتكرى قبل ماتنامى انك ممكن متصحيش الصبح وفكرى فى يومك وايه الغلط اللى عملتيه واقدمى توبه لربنا ومتخجليش فالصديق بيقع 7 مرات فى اليوم ولو مخاصمه حد صالحيه
3-زى مابتفطرى الصبح ودى وجبه مهمه صلى قبلها علشان دى كمان وجبه اهم لعقلنا وقلبنا
4-لازم نقرا فى الانجيل علشان نعرف ربنا واكتر و قريتى ومش فاهمه عادى قولى يارب اكشف عن عينى فارى عجائب من شريعتك


اهم حاجه بقى اطلبى من ربنا يقويك ويقوى ايمانك ويرفعك بسرعه من الخطيه ويكون معاكى دايما


وانا اسفه حقيقى انى طولت عليكى بس انا كمان زيك ومحتاجه لصلاتكم كلكم