[size=9]القصه دي قصه راهب معاصر مش من زمان و قالها ابونا في عظته عن الدخول للعمق
الراهب ده كان بيهرب من الكرامه و كمان كان بيصلي بعمق شديد جدا و بداله بينه و بين ربنا كان يسمي بين الرهبان بالراهب الهبيل
ما كان حافظ غير
ابانا الذي في السموات
ليتقدس اسمك
ليأت ملكوتك
في يوم ساله رئيس الدير انت حافظ تسبحه قبطي قال له لا
طب التسبحه بالعربي فقال له لا
فساله رئيس الدير طب حافظ ابانا الذي قال له اه فقال له سمعني كده
و بدا يقول ابانا الذي الي ان وصل الي ليأت ملكوتك و سكت و بعدها صرفه رئيس الدير و هو بباله يراقبه و يشوف لان الراهب ده فيه شيء غريب
و فعلا بعد ما الرهبان راحوا كل واحد علي قلايته وقف رئيس الدير بعيد و بدا يشوف ايه بيعمل الليل كله و كيف بيقضيه
لقاه خرج من قلايته و راح كنيسه الدير و رفع ايده علشان يصلي و اول ما رفع ايده و قبل ما ينطق بكلمه انفتحت قبه الكنيسه و السما و بدا يصلي
و قال ابانا الذي في السموات فسمع رئيس الدير صوت رب المجد بيقول له نعم يا حبيبي
ليتقدس اسمك فسمع الصوت تاني بيقول يتقدس بيك و فيك
ليأت ملكوتك فسمع الصوت قال له قريب خالص تكون معي في الفردوس
و سكت الراهب و قام يرجع قلايته و هنا اظهر رئيس الدير نفسه للراهب و اعتذر له علي ما صدر منه لمن كان بيسموه بالهبيل و لكن ما مر وقت طويل حتي تنيح هذا الراهب بسلام بركه صلواته تكون معنا امين[/size]